Лютавер'е

Мінскі гурт Лютавер'е (Лютоверье) ўтварыўся напрыканцы 2006 года. Амаль адразу распачалася актыўная канцэртная дзейнасць. Лютавер'е мае за сваімі плячыма шмат выступаў у Беларусі, Украіне і Расіі з такімі гуртамі, як Alkanost, Тінь Сонця, Znich, Natural Spirit, Сварга, Твердь і іншымі.
У 2007 годзе гурт запісвае EP пад назвай "Рось", які пазней выйшаў на балгарскім лэйбле A.F.M. Production сумесна з Werewolf Promotion, у фармаце спліта з гуртом ЯР.
У 2009 годзе распачынаецца праца над поўнафарматным альбомам, якая, па прычыне шматлікіх змен у складзе гурта, скончылася толькі ў 2012.
Больш падрабязную інфармацыю глядзіце на афіцыйным сайце гурта lutavierje.by.